ನೇಕಾರ ಮಹಿಳೆಯರಿಗೆ ತಲಾ ೧೦ಸಾವಿರ ರೂ.ಗಳ ಚೆಕ್‌ಗಳನ್ನು ವಿತರಿಸಿದರು.

ತೇರದಳ ೨೭-೦೮-೨೦೧೦

ತೇರದಾಳದ ೩೦ ನೇಕಾರ ಮಹಿಳೆಯರಿಗೆ ತಲಾ ೧೦ಸಾವಿರ ರೂ.ಗಳಂತೆ ಚೆಕ್‌ಗಳನ್ನು ಜಿಲ್ಲಾ ನೇಕಾರರ ಪತ್ತಿನ ಸಹಕಾರಿ ಸಂಘದ ಉಪಾಧ್ಯಕ್ಷ ಶಿವಪ್ಪ ಖವಾಸಿ, ಎಮ್.ಎಮ್.ಪೂಜಾರ ಫಲಾನುಭವಿಗಳಿಗೆ ವಿತರಿಸಿದರು.

"ಮಹಿಳೆಯರಿಗೆ ಸಾಲ: ಸದುಪಯೋಗಕ್ಕೆ ಕರೆ

ಜಿಲ್ಲಾ ನೇಕಾರರ ಪತ್ತಿನ ಸಹಕಾರಿ ಸಂಘದ ವತಿಯಿಂದ ನೇಕಾರರಿಗೆ ಅನುಕೂಲ ಕಲ್ಪಿಸಲು ಅನೇಕ ಯೋಜನೆಗಳನ್ನು ಜಾರಿ ಮಾಡಲಾಗುತ್ತಿದೆ. ಅದರಲ್ಲಿ ಮಹಿಳೆಯರಿಗಾಗಿ ಅತೀ ಕಡಿಮೆ ಬಡ್ಡಿ ದರದಲ್ಲಿ ಸಾಲ ಸೌಲಭ್ಯ ನೀಡಲಾಗುತ್ತಿದ್ದು, ಆಯ್ಕೆಯಾದ ಫಲಾನುಭವಿಗಳು ಸಾಲದ ಸದುಪಯೋಗಪಡಿಸಿಕೊಳ್ಳಬೇಕೆಂದು ಜಿಲ್ಲಾ ನೇಕಾರರ ಪತ್ತಿನ ಸಂಘದ ಉಪಾಧ್ಯಕ್ಷ ಶಿವಪ್ಪ ಖವಾಸಿ (ಗುಮ್ಮಟ) ಕರೆ ನೀಡಿದರು.

ಇಲ್ಲಿಯ ನೇಕಾರ ಮಹಿಳಾ ಸಂಘಟನೆಯ ಫಲಾನುಭವಿಗಳಿಗೆ ತಲಾ ೧೦ಸಾವಿರ ರೂ.ಗಳಂತೆ ೩೦ ಮಹಿಳೆಯರಿಗೆ ಸಾಲದ ಚೆಕ್ ವಿತರಿಸಿ ಅವರು ಮಾತನಡಿದರು. ಸಂಘದ ವ್ಯವಸ್ಥಾಪಕ ಎಮ್.ಎಮ್.ಪೂಜಾರ ಮಾತನಾಡಿ ಸಂಘವು ನೇಕಾರರ ಏಳೆಗೆ ಬದ್ದವಾಗಿ ಕಾರ್ಯ ಮಾಡುತ್ತಿದೆಯೆಂದರು.

ಕೆ.ಬಿ.ಸೂಳಿಬಾಂವಿ, ಸಿ.ಆರ್.ಕುದರಿ, ಯು.ಎಸ್.ಚಿಂತಾ, ಐ.ಟಿ.ಗೌಡರ, ಎಮ್.ಎಸ್.ಅರೂಟಗಿ ಈ ಸಂದರ್ಭದಲ್ಲಿದ್ದರು.

ನೇಕಾರರ ಪತ್ತಿನ ಸಹಕಾರಿ ಸಂಘದ ಸ್ಥಳಿಯ ಶಾಖಾ ಕಾರ್ಯದರ್ಶಿ ಅಲ್ಲಪ್ಪ ಇಂಗಳಗಿ ವಂದಿಸಿದರು.